Nama : Oke Pajarli, S.Kom
Mapel : Bahasa Lampung
Kelas :6A
Tanggal : 21/08/2024 (09.00-10.10)
Unit : SD AL-AZHAR 3 BANDAR LAMPUNG
materi : Pahlawan nasional Raden Intan II (bagian 2)
Tujuan : Mampu membuat kalimat tunggal dan majemuk sederhana berbahasa lampung.
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 1 tentang ”Pahlawan nasional Raden Intan II (bagian 2)”, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
===========================================================================
Pahlawan nasional Raden Intan II (bagian 2)
Radin Intan II Pahlawan Nasional Masa Perjuangan
Seghadu sinibatkan jadi ratu lampung, Radin Intan II mippin peghlawanan ghakyat lappung ngelawan colonial belanda. Beliau tikenal sebagai pemippin ghik panglima peghang sai gagah beghani dilom pepeghangan. Ngelawan Kolonial Belanda. Radin Intan II temon-temon pembani, bebadan sehat ghik kuat, ghik ceghdas. Peghjuangan ni didukung ulih ghakyat Lappung ghik mansa bantuan anjak Kesultanan Banten. Anjak pepigha kali seghangan sai dilakuko tentagha colonial belanda, pasukan Radin Intan II selalu dapok ngalahko tentagha colonial belanda sina.
Peghlawanan Raden Intan II ghik rakyat lappung nyebabko pemerettah colonial belanda ngeghasa kughang nyaman ghik ngeghasa keentingan ni guwai ngeghampas hasil bumi lappung teganggu nihan. Pemerettah colonial belanda ngalami keghugian balak, lah tiyan mak dapok lagi ngusai mono poli dagang hasil bumi gegoh kupi, lada ghik cangkih, anjak bumi lappung. Ulah sebab sina gubernur jenderal hindia belanda di Batavia maghah balak. Yangayunko tentagha colonial belanda geluk-geluk ngalahko jama nakkep Radin Intan II ghik prajurit-prajurit ni. Seghangan demi seghangan teghus dilaccaghko tentagha colonial belanda guwai ngaccughko Lappung ghik Radin Intan II sai jadi penguasani. Dilom tahun 1856 belanda ngelakuko seghangan balak-balakan sai dipippin ulih kolonel Waleson jama ngeghahko 9 kapal peghang, 3 kapal pengangkut alat peghang, ghik puluhan kapal baghihni.
Pasukan Radin Intan II nyuba ngelawan seghangan sina secagha geghilya, yakdo secagha tiba-tiba nyeghgap tentagha colonial Belanda, ghahdu sina melap dilom pullan ghimba. Peghang geghilya sinji lamon ga niwasko tentagha colonial belanda. Ulah tentagha colonial belanda sina mak buhasil dilom tugas ni guwai ngalahko jamo nakkep Radin Intan II, uccukni tiyan ngegunako tipu daya celih ghik jahat. Tipu daya sina yakdo jama cagha ngebayagh ghik makai jelema anggota pasukan Radin Intan II sai buhianat. Ya dikayunko tentagha colonial belanda guwai ngatugh kondisi didipa tentagha colonial belanda dapok nyeghegap ghik ngalahko Radin Intan II.
Tipu daya jahat tiyan pun buhasil, teghjadi peghtemuan Radin Intan II jama peghajuritni sai buhianat sina di tengah sabah ghedik Kunyayan, hantagha Tataan jama Gayam. Waktu beliau sdong haga mengan dilom peghtemuan hina, mak tinyana si penghianat jeno ngedadak nyeghang Radin Intan II. Seghadu sina geluk-geluk puluhan tentagha colonial belanda nutuk ghamik-ghamik nyeghegap beliau, hingga teghajdi peghtempughan sai mak seimbang hentagha Radin Intan II ngelawan puluhan tentagha colonial belanda. Kipak ya ghadu beusaha jama sekuat tenaga guwai ngalahko puluhan tentagha colonial belanda sina, kidang uccutni Radin Intan II gugogh diculuk tentagha colonial belanda. Beliau wafat tanggal 5 Oktober 1856 dilom usia 22 tahun.
Ulah jasa ghik pengoghbananni dilom nulung kepettingan rakyat jak penindasan ghik penjajahan colonial belanda, ulih pemerettah Republik Indonesia, Rdin Intan II ditetepko jadi pahlawan nasional budasrken Surat Keputusan Presiden Republik Indonesia tanggal 17 Agustus 1988, Nomor : 082/TK/1988. Selyin sina di pok makamni disanikko Monumen Pahlawan Nasional Radin Intan II. Jama gelagh beliau diabadiko jadi gelagh lapangan teghbang sai Gelaghni Bandar Udara Radin Intan, gelagh ghanglaya ghik gelagh Peghgughuan Tingi Negeghi yakdo UIN Radin Intan.
============================================================================
Kesimpulan :
Komentar
Posting Komentar