Nama : Oke Pajarli, S.Kom
Mapel : Bahasa Lampung
Kelas : 5B
Tanggal : 03/09/2024 (11.00-12.10)
Unit : SD AL-AZHAR 1 BANDAR LAMPUNG
materi
: Festival Krakatau
Tujuan
: Mampu memahami teks yang berisi peristiwa atau acara adat lampung
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 1 tentang ”Festival Krakatau”, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
==================================================================================
Festival Krakatau
Ardi, Arman ghik abahni lagi mejong di lepau lamban. Ardi cawa jama Arman : "nyak ingok gham peghnah midogh di Festival Krakatau.
Arman nimbal "yeu gham ghatong mit Merak Belantung jama emak, ya Abah? ghamik ulun sai ghatong haga ngeliyak caghom-caghom ni festival sina. Hajat pemerettah Daeghah Peghopinsei Lampung sai diwat ko di kaliandak, Lampung Selatan, guwai ngejajakko pok-pok wisata alam disekejung Teluk Lampung. dihaghopko maju munih wisata, budaya, ghik wisata ilmuni. Ampai inji wat beghita diinternet, Anak Gunung Krakatau kughuk delom "rangkaian Hari Bumi Dunia".
Bak nimbal "yu Arman dudisa gham tesepik di tengah-tengah jelema ghamik. anjak gerbang arena festival, emak mu di tundun kuti ghuwa, abah wat di depan. mepuhai ni ghadu tegoh di hadapan ghang Upacgha Pembukaan. Disan Ghadu ngedok Gubernur Lappung jama wali kota ghik bupati se peghopinsei lappung. wa munih kuaghik jak jakarta ghik wartawan dilom ghik luagh negeghi. Dipanggung tiyan disambuk taghi sumbah di ighingi Kolintang Peghing. Cagha nyambuk kuaghi sinji nandako piil pesenggighi 'pudak waya' gham lampung tipakai nihan. ghamik munih hulun sai haga nunton panggung hiburan ghik pawai gajah. Tiyan ngeliyak munih lumba langui, bekayuh jukkung ghik lumba berlayar di Selat Sunda. laju di anjungan pamerantiap kabupaten. Disan pok ngejajak ko ghik kemajuan lima bidang pembangunan ni. Anjak sosial budaya asli tigoh bidnag ekonomi lampung"
Ardi cawa "Semenjak tahun 2020 (ghua ghibu ghua ngepuluh), tantu mak gegoh lagi ulah wat wabah penyakik korona.
Wat atoghan ni, "ikin ngesonko jelma ghamik". Bak nimbal : "temon cawa mu Ardi. Ki geghok ni haga nyandang haban penyakik dang nihan ti wat ko. kidang wat sai dapok di wat ko sai bukenaan jama Festival Krakatau dilom masa wabah pandemi korona. Injuk, ngighimko beghita keadaan bumi dilingkoghan anak gunung Keghakatau sinji pakai liyu internet.
Ganta ghadu di jajak ko dilom layar TV sai dapok di tuntun di lamban diwik-diwik. Jadi mak ngedok hulun sai bekumpul ghamik-ghamik. Ard bugaya injuk bak ni tika di Merak Belantung saka ni, "Tengs pai, ceghitaku, Gunung Keghakatau sai di Selat Sunda Lampung Selatan ghadu di pandai ulun di dunia ulah dilom tanggal 27-08-1883 meletup hibat. Letupan ni ketengisan tigoh Srilangka ghik Australia. 36.417 jiwa tiwas, 90% ni di teghjang tsunami. Wai lawok cakak tigoh Batu Putuk ghik Geruntang uncukni Tanjung Karang. Pekon-pekon di pesisegh Teluk Lampung ghik Banten seunyinni teghundom wai. Sumang jak jelma, kehughian di pulan tekughuk setwa ni tiwas. Haghta banda ulun kelop kughuk lawok." Ardi laju ngentemoh. Arman ngelajuko cawa ni Ardi uleh ya ngehema, "Ulah sina, pemeghintah Peghopinsi Lampung netopko gelagh keghakatau bakai ngenal ko ghik ngemajuko daeghah lampung. Festival Krakatau sai wat unggal tahun gham Lampung diliyak dunia jak Festival sinji". Laju ya cawa moneh jama Ardi, "Poh! kigham haga nuntun festival Keghakatau sai likut, gham sepok di 'Google injuk situs Lampost.go.id.,Indonesiakaya.com", atawa sai bagheh ni.
"Na!" Hibat nihan kuti ghua ji. Abah besyukur benogh jama Tuhan, ngedok anak bakas ghua sai pintogh unyin", timbal Abah sambil lalang waya. "Payu gham tunton bahong jama emak mu. Tantu haga ya nunton muneh".
Dibingi ni, seghadu sembahyang, Tiyan pak (4) bebeghong nunton di hadapan TV liyu Wifi lamban.
=========================================================================
Tugas
Buatlah
percakapan dialog dalam bahasa lampung dnegan tema bebas, minimal 5
percakapan tiap oarang. Satu kelompok terdiri dari 2 orang, jadi satu
kelompok terdiri dari minimal 10 percakapan
====================================================================
Kesimpulan :
Alhamdulillah pembelajaran hari ini tentang Festival Krakatau berjalan dengan baik, aktif dan lancar. Tidak ada kendala apa pun saat mengajar dan anak-anak bisa memahami materi yang disampaikan
Komentar
Posting Komentar