Nama : Oke Pajarli, S.Kom
Mapel : Bahasa Lampung
Kelas : 3A
Tanggal : Senin, 3/02/2025 (13.10-14.20)
Unit : SD AL-AZHAR 1 BANDAR LAMPUNG
Materi :Himat Energi
Tujuan : Mampu mempraktekkan cara hemat energi di kehidupan sehari-hari
Metode : Diskusi, tanya jawab, demonstrasi
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 7 tentang ”Mari KIta Hemat Energi Untuk masa Depan”, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
===============================================================================
Himat Energi
Seunyinni kegiatan gham meghluko tenaga. Guwai lapah kukut, bumain, belajagh ghi baghehni gham peghlu tenaga. Tenaga yakdo sesuatu sai nyebabko gham dapok ngelakuko kegiatan. Ucak'an tenaga dilom bahasa ilmiah di cacakko energi.
Energi penting temo guwai keughikan gham. Gham mnausia mansa energi anjak kanikan sai gham kanik. Kipak energi gham mak dapok ngelakunko keghja. Energi sina bumacom-macom jenisni. Wat energi panas, energi listrik, ghik energi gerak. Energi sangun lamun ga gunani.
Energi listrik dapok neghangi lamban ghik dapok tipakai guwai bumacom-macom kepeghluan. Bumacom-macom alat sai ngegunako energi listrik gegoh teleisi, setrika listrik, radio, kulkas, pendingin ruangan, kipas angin ghik sai baghih ni. Semakin lamun energi istrik sai tipakai semakin lamun dau sai di luwahko guwai ngebayagh listrik. Oleh sebab sina gham musti buhimat dilom ngegunako energi hina. Cuntuhni dang gham nyalako lampu listrik waktu dawah ghani.
Ngehimat ghettini ngegunako secutik-cutikni energi, kidang ngasilko selamun-lamunni manfaat. Lamun gham buhimat maka mak tejadi kelabahan energi. jadi mak ngedok enrgi sai lebon peghcuma.
Energi sai disediako alam peghlu digunako sehimat-himatni. Gham musti ingok wat sumber alam sai mak dapok di perbarui, minyak bumi gegoh bensin cuntuhni, ki mubil atau motor mandek parkir, matiko mesin guwai ngehimat bahan bakar mesin. Dang nyalako televisa kimak di tuntun, ki gham haga pedom matiko pai televisi. Guwai ngehimat energi gas matei ken kompor gas ki ghadu mak tipakai.
==============================================================================
Tugas
1. Jak dipa manusia mansa enrgi guwai bugeghak?
2. Sebutko macom-macom energi?
3. Alat-alat api gawoh sai meghluko energi listrik?
4. Api ghettini buhimat energi listrik?
5. Gohpa cagha gham buhimat bakan bakar bensin?
6. Api cuntuhni energi sai mak dapok diperbarui?
=================================================================================
Kesimpulan :
Komentar
Posting Komentar