Nama : Oke Pajarli, S.Kom
Mapel : Bahasa Lampung
Kelas : 5C
Tanggal : Selasa, 29/04/2025 (13.50-15.00)
Unit : SD AL-AZHAR 1 BANDAR LAMPUNG
Materi : Sejarah Masyarakat Lampung
Tujuan : Mampu memahami sejarah singkat tentang provinsi Lampung
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 9 tentang ”Sejarah Masyarakat Lampung”, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Sejarah Masyarakat Lampung
Daighah lampung semakkung tanggal 18 Maret 1964 ngeghupako daighah keghesidenan si tekughuk dilom Provinsi Sumatera Selatan. Provinsi lampung lahegh 18 Maret 1964budasaghko peraturan Pemerintah Nomor 3/1964 seghadu sina jadi Undang-undang Nomor 14 tahun 1964. Keggesidenan Lampung ditingkatko jadi Provinsi Lampung sai ibukotani Tanjung karang – Teluk Betung. Seghadu sina budasaghko peraturah Daighah Nomor 24 tahun 1983 Kotamadya Tanjungkarang – Telukbetung ditukogh gelaghni jadi Kotamadya Bandar Lampung mulai anjak tanggal 17 Juni 1983.
Najin Provinsi Lampung semakkung 18 Maret 1964 sina secagha administratif maseh bagian anjak Sumatera Selatan, kidang daighah hinji jawohsemakkung Indonesia Meghdika sangun ghadu ngejajakko potensi sai balak nihan. Dija ngemik cughak ghupa budaya nenggalan sai dapok nambah ghasanah adat budaya di nusantara.
Masyarakat lampung semakkung kemerdekaan Republik Indonesia tanggal 17 Agustus 1945, gegoh sai bagheh seunyinni masyarakat Indonesia, nutuk masa peghjuangan ngelawan Kolonial Belanda, anjak Zaman Kumpeni (VOC) sappai jama masa peghjuangan ngaghebut kemeghdekaan negara Kesatuan Republik Indonesia.
Dilom sejarah peghjuangan ngusegh penjajah belanda anjak bumi pertiwi sai kahut inji, masyarakat lampung ghadu ngedok gelagh-gelagh pejuang sai bani ghik jekot yakdo Raden Intan II jadi pahlawan nasional. Gheno munih dilom masa geghok nasional sappai masa perang kemerdekaan republik indonesia seunyin pejuang anjak tanoh lappung caghom-ghagom bujuang ghik butahan ngemeghdekako republik indonesia. Adek masa ganta provinsi Lampung ghik masyarakat lampung senemon ngebangun ghik ngisi masameghdika republik indonesia guwai ngewujudko negagha indonesiasai busatu, adil ghik makmur dibah lindungan ghik rahmat Allah Ta’ala.
Anjak wat ni provinsi lampung tahun 1964 sappai ganta ghadu dipimpin jama 10 (puluh) Gubernur atawa Kepala Daerah Tignkat I. provinsi lampung yakdo :
1. Koesno Danu Upoyo
2. Hi. Zainal Abidin Pagar Alam
3. R. Sutiyoso
4. Yasir Hadibroto
5. Poedjono Pranyoto
6. Drs. Oemarsono
7. Hari Sabarno
8. Drs. Hi. Sjahroeddin. ZP, SH.
9. Muhammad Ridho Picardo, S.Pi., M.Si
10. Ir. H. Arinal Djunaidi
Gham seunyinni musti pandai sejarah daighah gham, kenyin tuwoh ghasa geghing, kahut ghik hunggagh jadi jelma lampung. Ki gham pandai sejaghah ni lampung dapok ngedok semangat ghik tekad lebehdilom ngebangun bumi lampungjadi maju ghik buadabsesuai jama nilai-nilai dasagh negara pancasila ghik UUD 1945.
Tugas :
Baik setelah anak-anak mendengar dan menyimak penjelasan dari guru, silahkan kerjakan soal 1-6 di halaman 113-114
Kesimpulan :
Komentar
Posting Komentar