|
Nama Mapel Kelas Waktu Unit Materi Tujuan |
: : : : : : : |
Oke Pajarli, S.Kom Bahasa Lampung 5A Selasa, 22 Juli 2025 SD AL-AZHAR 3 BANDAR LAMPUNG Bumain Alau Mejong Peserta didik mampu memahami teks tentang permainan tradisional lampung |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 1 tentang Bumain Alau Mejong, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Bumain Alau Mejong
Ganta arman, sandi, santi ghik jama-jamani seunyinni 28 sanak mughib kelas pak ghadu cakak kelas lima. Tiyan senang hati ghik besukugh jama allah tuhan sai maha kuasa. Gughu sai ngelaja kelas lima iyulah bu Mutiah. Ghani hinji bu mutish ngelaja tiyan pelajaghan bahasa lampung. “Sanak-sanak”, ia ngemulai pelajaghanni, “gham ganta haga belajagh bahasa lampung, tentang pumainan tradisional daeghah lampung”. Ia ngelanjutko penjelasanni” lamun beno macom cughakpumainan tradisional daighah lampung, ghani hinji gfhan haga ngebahas pumaianan alau mejong”. “sapa sai pandai cagha ngelakuko pumainan sinji?” bu Mutiah ngelulih. Ghupani sanak-sanak mak ngedok dai nimbalni. “Pah gham jama-jama bulajagh tentang pumainan alau mejong” cawa Bu Mutiah selanjutni.
Jak jaman timbai teutama di jengan pekon, pumaianan alau mejong sina digeghingi sanak-sanak. Hulun tuha munih geghing/demon jama pumainan hinji ulih mughak ghik meghiah, bumanfaat ghik mak bubahaya. Mughah ulih mak meghluko alat sai mahal ghegani, sehingga mak ngebiyakko ke-dau-an hulun tuha. Meghiah ulih pumainan hinji dilakuko sanak-sanak dilom suasana meghiah ghik senang ati. Pumainan hinji munih bumanfaat guwai sarana buolahghaga ghik ngelatih keteghampilan cekelang jama ngehindagh selain sina mak ngebahayako jasmani ghik rohani sanak-sanak.
Alau mejong yakdo pumainan sai pagun dilakuko dipekon-pekon daighah lampung. Gelagh pumainan hinji “Alau Mejong” sai ghetini yakdo Alau “kejar” ghik mejong ghetini “duduk”. Pumainan hinji dejuk gealgh Alau Mejong, ulih dilom ngemainko ni wat ghua macom pulakuni (pumainni), yakdo sai ngalau di cacak “pungalau” ghik “sai dialau”. Pumainan alau mejong mak dijuk dimainko pujama antagha sanak ghagah ghik sanak sebai. Ghettini iyulah seunyinni pumain pumainan Alau Mejong hinji angkah bukelompok jejama sanak ghagah atawa jejama sanak sebai gawoh. Jumlah pumain dilom sai kelompok pumainan alau mejong hinji adalah 4 (pak) jejama atau dapok munih lebih.
Pumain hinji mak meghluko peghabutan sai macom-macom, cukup wat pok sai ghata atau lapangan teghebah sekulaan sai beghakni lebih kughang 6x10 metegh sai ditandai makai gaghis kapugh handak atau dapok munih makai aghong kayu.
Selanjutni bu mutiah ngejesko peghatughan tata caghangemainko pumainan Alau Mejong. “Selayin atoghan-atoghan sai dicacakko diunggak, pumainan Alau Mejong hinji wat peghatoghanbaghihni sai mesti gham patuhi gegoh sai hinji”, cawa Bu Mutiah.
Peghatughan ghik tata cagha bumain :
1. Nentuko jumlah pumain 4 jelema atau dapok lebih.
2. Ngelakuko undian makai cagha umpimpah ghik suit, sai kalah ditetapko jadi “sai ngalau” atau pengalau, sedangko sai menang jadi “sai dialau”
3. Seghadu tanda mulai diucapko yakdo jama cawaan “ghadu” anjak sai dialau, maka pengalau haghus ngalau ghik megung salah sai pumain “sai dialau”.
4. Pumain “sai dialau” haghus beusaha cekelang ngilak anjak pegungan si pengalau, anyin mak dijuk luwah anjak gaghis batas lapangan, ki wat pumain sai luwah jak gaghis lapangan dinyatako kalah ghik ditetapko jadi pengalau.
5. Atau ki wat pumain “sai dialau” tijulak semakkung kena pegung pengalau, ya dijuk ngilak makai cagha mejong cecuk ditanoh, mula sina ya ak dijuk dipegung sampai hitungan 10 sampai 15atau 20 sesuai jama kesepakatan semakkung pumainan dimulai. Pumain sina ki mak bugeghak maka ia dapok dipegung ghik dinyatako kalah jama di tetapko jadi pengalau.
6. Atau ki pumain “sai dialau” unyinni bebaghongan dilom keadaan mejong cecuk atau mejong maka di sepok ghua pumain “sai dialau” sai paling ghedik diantagha pumain sai baghih, ghadu sina keghua pumain sina dikayunko suit, sai kalah ditetapko jadi pengalau.
7. Pumain sai jenoni jadi pengalau begabung jama pumain “sai dialau”, ghik seteghusni pumainan dilanjutko sampai wat kesepakatan pujama guwai beghadu.
“Gegoh hinji penjelasan tata cagha ngemainlo pumainan alau mejong. Sanak-sanak seunyinni , pah pah gham jama-jama luwah kelas mit dilapangan ngemainko pumainan alau mejong”, Bu Mutiah uccukni nutup penjelasan ni, jama ngayunko sanak-sanak ngemainko pumainan alau mejong. Sanak-sanak ngemainko pumainan alau mejong dilapangan sekula dibimbing jama bu gughuni. Tiyan bumain alau mejong ghamik-ghamik besughak-sughak ulah senang atini.
Anak-anak berikut contoh cupikan permainan Alau Mejong yang sudah di praktekkan
Berikut beberapa nama-nama permainan tradisional yang seru untuk dimainkan
Komentar
Posting Komentar