Pengalaman Sai Jadi Ingokan (Kelas 3B)

           

 

Nama Mapel Kelas Waktu Unit Materi Tujuan CP

: : : : : : : :

Oke Pajarli, S.Kom Bahasa Lampung 3B Rabu, 27 Agustus 2025 SD AL-AZHAR 1 BANDAR LAMPUNG Pengalaman Sai Jadi Ingokan Mampu menceritakan isi teks tentang pengaman yang mengesankan Kemampuan berbicara dengan santun tentang beragam topikdengan menggunakan volume dan intonasi sesuai konteks. Serta dapat mengungkapkan kembali suatu isi informasi yang dibaca atau di dengar dan menceritakan kembali teks narasi yang dbacakan.

 

Assalamualaikum warahmatullahi wabarakatuh,

Tabik pun........Selamat pagi anak-anak........

Api kabagh sanak-sanak sai sholeh ghik sholehah...

sihat seunyinni yu nak....

 

Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.

Anak-anakku, pada peghtemuan ghani hinji gham haga pelajaghi tema 2 tentang Pengalaman Sai Jadi Ingokan, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.

Pengalaman Sai Jadi Ingokan

Waktu libughan sekulah, Amran jamo adikni Aminah belibugh di lambanni Datuk Muhammad. Beliau jama nyayik lambanni di pekon Lumbok ghedik Danau Ranau. Amran ghik Aminah yakdo umpu- umpuni Datuk Muhammad. Tiyan geghing atini mandi ghik nangui di pinggegh Wai Ranau. Tiyan cakak peghahu motogh speedboat neghjang umbak Wai Ranau. Kekala tiyan nutuk jelma sai lagi nakop iwa pakai jaghing. Tiyan geghing minok di lambanni Datuk Muhammad, ulah ya ghesok buceghita. Bingi hinji Datuk Muhammad buceghita sai judulni Pendekar Mata Pak Dan Si Pahit Lidah. Iya ngemulai ceghitani : "Di zaman tumbai hughik jelma sakti di pekon Banding Agung Wai Ranau sai tekughuk hantagha Sumatera Selatan jama Lampung Barat tanno. Ia selalu ngebila jelma kesusahan Julukni Mata Pak. Sebab sangun ya ngedok mata pak. Ghuwa di pudakni, ghuwa di hantagha buwok ditundun huluni. Kenalomanni mak ngedok sai nandingi, yakdo ilmu pincak kebatinan. Lamon hulun sai ghabai beniyat jahat. Sebab Mata Pak mak geghing jama jelma sai jahat. Atau jama jelma sai mak patuh jama atoghan sai helau.

Mak jawoh anjak jenganni ughik munih pendekar sai sakti sai julukni Si Pahit Lidah. Si Pahit Lidah tekenal jamo kesakteianni, yakdo api gawoh sumpah sai diocapko Si Pahit Lidah mesti tejadi. Gegoh ia nyumpahi musuh-musuhni jadi patung, wattu hina munih musuhni sina kaku beubah jadi patung batu. Lamon jelma sai ghabai jama ya, tiyan ghabai kena sumpahni.

Suatu waktu Pendekar Mata Pak betungga jama Si Pahit Lidah. Tiyan ghuwa saling pungah ngeghasa paling sakti, uccukni tiyan ghuwa saling adu kesaktianni. Beghani-ghani tiyan belaga ngejajakko ilmu kesaktianni, kidang mak ngedok sai kalah. Tiyan ghuwa sangun jama- jama jelma sai nalom ghik sakti.

Uccukni tiyan ghuwa sepakat makai kumbang batang aren sai jadi alatni guwai netepko sapa sai paling sakti. Pendekar Mata Pak gileghan sai peghtama. Ya telukkup di bah pohon aren, segeluk kilat Si Pahit Lidah luccak mit puccuk pohon aren, ditetokni pelepah kumbang aren lajeu ditayaghko adok badanni Si Mata Pak. Si Mata Pak selamat, ya dapok ngilak, ulah ya dapok ngeliak kumbang aren sai dilayaghko jama Si Pahit Lidah, makai ghuwa matani sai wat di buwok tundun huluni. Ghadu sina gileghan Si Pahit Lidah sai telekkup di bah pohon aren. Si Mata Pak teghabang adok pucuk pohon aren. Ditetokni pelepah kumbang aren, ghadu sina ditayaghko di badan Si Pahit Lidah. Si Pahit Lidah mati, kena tayagh kumbang aren sai ditayaghko Mata Pak. Mata Pak lalang waya, ulah ia dapok ngalahko Si Pahit Lidah.

Kidang iya heghan ulih kesaktian si Pahit Lidah sina. Iya pikegh api benogh ma (lidah) ni Si Pahit Lidah sina sangun pahik, mula ditinggulko telunjukni adok ma (lidah) ni Si Pahit Lidah, laju iya jilat uccuk telunjukni jeno. Iya Mak ngingok bahwa racun Si Pahit Lidah jeno teghisop jama iya, uccukni Pendekar Si Mata Pak tiwas munih, kena racun bisa Si Pahit Lidah sai teghisopni".

Ghena ceghita Datuk Muhammad jamo uppeu-uppeuni. Amran jama Aminah ngucakko teghima kasih jamo datukni, tiyan ghuwa temen- temen geghing nengis ceghita sina.

==========================================================================

Tugas : 

Buatlah sebuah cerita yang mengesankan yang pernah murid-murid alami. kerjakan di dalam buku latihan!

 

Kesimpulan :