Tradisi Acara Marhaban (Kelas 5B)

       

 

Nama Mapel Kelas Waktu Unit Materi Tujuan CP

: : : : : : : :

Oke Pajarli, S.Kom Bahasa Lampung 5B Rabu, 27 Agustus 2025 SD AL-AZHAR 1 BANDAR LAMPUNG Tradisi Acara Marhaban Siswa mampu membaca dan menulis dalam bentuk aksara lampung Mengamati teks berisi tentsng berbagai peristiwa dalam kehidupan

 

 

Assalamualaikum warahmatullahi wabarakatuh,

Tabik pun........Selamat pagi anak-anak........

Api kabagh sanak-sanak sai sholeh ghik sholehah...

sihat seunyinni yu nak....

 

Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.

Anak-anakku, pada peghtemuan ghani hinji gham haga pelajaghi tema 2 tentang Tradisi Acara Marhaban, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.

 

Tradisi Acagha Maghhaban

Kehajjongni kemaman Arif yakdo keminan Ani ngelahighko sanak upi luwot. Tiyan ghuwa dikeni Allah Ta'ala ketughunan 2 (ghuwa) anak, sai peghtama anak bakas ghik sai ke ghuwa anak bebai. Tiyan ghuwa besukugh haguk Allah Ta'ala ghik bedua kekalau keminan Ani munyayan jama anak upi sai appai dilahighko hina munyayan ghik kanah balak jadi anak sai soleha. Tiyan ghuwa ngeppulko sanak puaghi sekelik ghik ngulem jighan ghedik guwai jama-jama bedua. Tiyan ghuwa ngewatko penikolan seikui kambing guwai hewan akikah. Acagha peghesmian pengenian gelagh bayi sai appai lahigh hina diighingi acagha tradisi maghhaban. Acagha sina haga diguwaiko pukul 10.00 ghani Ahad hinji. Pagi-pagi benogh gham sangamiyanak ghamik-ngamik ghatong mit di lambanni kemaman Arif. Di lambanni kemaman Arif ghadu lamon jelema sanak puaghei guwai nulung gawini kemaman Arif. Disan wat munih tamongku Ahmad jama ajjongku Fatonah.

"Irham jama Hilman, kuti ghuwa, mit dija", tamong Ahmad ngughauku jama abangku Hilman.

"Yu, pun, Tamong", tembalku. "Irham, niku beno jadi pengusung talam sai iseini kelapa muda, lilin ghik gutting, jamo niku Hilman, beno jadi pengusung talam sai isini kumbang jamo minyak meghum", kayun Datuk Ahmad haguk uppu-uppuni.

"Yu, pun, Tamong", tembal Irham jamo Hilman. "Tamong, dapok kudo gham ghuwa ngelulih, api gheti jamo tegesni acagha maghhaban hinji?. "Yu, kuti ghuwa, mejong dija, ghedik tamon", tembal Tamong Ahmad. Hina penjelasan Tamong Ahmad, "Gawi Marhaban guwai nyambuk sanak upi sai appai lahigh yakdo bettuk ghasa sukugh jama penyampaian dua. Dua-dua sai paling helau dipanjatko ulih semenyanak balak ghik kaban sekelik muga-muga sanak upi sai appai lahegh jadi sanak sai sholeh ki ya ghagah atawa sholeha ki ya bebai. Selanjutni Tamong Ahmad nambah penjelasanni, "Kicik marhaban pesai buasal anjak Bahasa Arab sai dighetiko jama makna yakdo "nyambut". Maghhabanan dapok diterjemahko jama kata "Selamat Ghatong". Dilom masaghakat Lampung, maghhabanan ngeghupako suatu tradisi sai kaya jama simbolisme ghik budaya. Tradisi hiji diwaghisko dilom masaghakat secagha tughun-temughun.

Tradisi marhaban upi layin sekadagh sebuah upacagha, anying munih ngedok makna sai benogh-benogh bumakna.

Selanjutni tamong Ahmad nambah penjelasanni, "Guwai nyiapko Maghhabanan, macom-macom simbol dipeghluko: macom-macom kumbang, tahlui, umbul-umbul keghtas hias ghik duit keghtas, biyas, minyak meghum jama kelapa.

Macom-macom kumbang ngelambangko haghopan sanak upi hiji ngeghumko gelagh dighi ghik keluaghgani.

Tahlui ngelambangko upi sai ampai lahegh, sementagha umbul-umbul duit ngegambaghko haghopan nyin ghejeki bekelippah.

Kelapa, jadi simbol petumbuhan sai mak dapok dibeghaduko. Kelapa munih ngelambangko sesuatu sai unyin bagianni ngedok manpaat, mulai jak buah sampai di batang ghik bulungni.

Duit-duit keghtas ghik tahlui sai ghadu dihias, digantungko di buluh seghaduni dicucukko di batang punti. Biasani wat selembagh kaghtu sai wat poto upini, gelagh jama tanggal kelaheghanni.

Pada saat acagha, upi digendong ngelilingi temui, biasani ulih kemamanni jama pepigha sekelikni sai ngusung talam.

Dua-dua marhaban teghus dilantunko jama penuh haghop kenai ananda jadi sanak sholeh/sholeha.

Seghadu sina, acagha dilanjutko jama prosesi begunting buwok upi sai dilakuko ulih sai tuha-tuha di tiyuh, tokoh-tokoh atau sekelik sai ngegutting buwok upi suwa bedua.

Waktu gham mesa gilighan ngegunting cutik buwok upi, gham munih manjatko dua jama Allah sai Kuasa.

Waktu upi diidoghko ngiteghi kuaghi, mako seunyinni kuaghi ngebacako barjanji. Barjanji yakdo bacaan sai dilantunko dilom bentuk puji-pujian guwai Nabi Muhammad Rasululloh "Ya Nabi salam alaika, Ya Rasul salam alaika, Ya Habib salam alaika, sholawatullah alaika ...".

Saban kuaghi ghik uleman seghaduni disempeghot makai minyak meghum.

Acagha marhabanan kak ghadu diuccuk jama pembacaan dua ghik peghesmian gelagh guwai si upi.

Pas mulang, temui undangan ngusung cicingan beghupa kan kutak suwa gulai atawa sate kambing akikah, tahlui sai dijuk umbul-umbul ghik hiasan duit keghtas. Gegoh hina tradisi upacagha marhaban sai senangun ghadu jadi tradisi gham jelema atawa masaghakat Lampung", cawa Datuk Ahmad nutup penjelasanni.

"Teghima kasih, Datuk, guwai penjelasanni, gham ghuwa ganta kak pandai hal upacagha tradisi marhaban", cawa Hilman jama Irham adek

datukni.

 

Tugas :

Buatlah cerita tradisi marhaban pemberian nama anak bayi menurut adat dan tradisi murid-murid berdasarkan lingkungan atau tradisi suku masing-masing. Tanyakan dengan orang tua, kakek, nenek atau paman murud-murid.

 

Kesimpulan :