Nama Mapel Kelas Waktu Unit Materi Tujuan | : : : : : : : | Oke Pajarli, S.Kom Bahasa Lampung 2C Senin, 15 September 2025 SD AL-AZHAR 1 BANDAR LAMPUNG Bugaul Jajama Delom Keluaghga Ghik Lingkungan Masyarakat Sekitagh Siswa mampu menjawab soal penilaian harian dengan tepat dan benar sesuai dengan ketentuan |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 3 tentang Bugaul Jajama Delom Keluaghga Ghik Lingkungan Masyarakat Sekitagh, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Bugaul Jajama Delom Keluaghga Ghik
Lingkungan Masyarakat Sekitagh
Pak Lukman Ghik BU Marhamah ughik seandanan.
Saban ghani ahad tiyan ngelakukon keghja jajama (sakai sambayan).
Tiyan jama-jama bekeghja ngebeghsihko lamban.
“Ridwan, niku sai nulung apak, yu, nyak nulung emak”, cawa Maryam jama adikni Ridwan. “Yu, kak, nyak sai nulung bak”, timbal Ridwan.
Bu Marhamah dan Maryam nyaponko tanoman kumbang di taman.
Pak Lukman dan Ridwan ngebersihken tenggebah ghik sai diluwah lamban.
Pak Lukman ngeghuk tanoh di sighing ghik ngajukuk di tengebah.
Ridwan nulung apakni ngumbanko ghuttah dilom pok ghuttah.
Tiyan sangamiyanak ghadu beghes keghja jama-jama, lajuni ngedawakko badan.
Bu Marhamah nasak kanikan sai istimewa.
Maryam nulung indukni nasak di dapugh.
Maryam ghik Ridwan buguh nulug ulun tuhani.
Kanan ghadu siap, tiyan kuppul mengan jama-jama.
Pa Lukman ghik Ridwan buteghimakasih jama Bu Marhamah.
Ulah iya ghik Maryam ghadu nasak kanan sai istimewa.
Tiyan sangamiyanak ngeghasa bahagia.
Pak Lukman ghik Bu Marhamah ughik seandanan.
Layin ghena gawoh, tiyan moneh bugaul betik ghik ghedik jama tetangga.
Pak Lukman ngeni sedekah mit jelemasai kekughangan.
Iya ghesok ngejuk deghma ki wat acagha atau kegiatan di masaghakat.
Gegoh moneh jama Bu Marhamah beini Pak Lukman ia nyiapko kanikan ghik inuman ki wat kegiatan jelema ghamik keghja jajama.
Tiyan sangamiyanak sangun bujiwa nemui nyimah ghik sakai sambayan.
Lamun jelema sai hughmat ghik ngeghegai kebetikan keluaghga Pak Lukman sina.
=========================================================================
Komentar
Posting Komentar