|
Nama Mapel Kelas Waktu Unit Materi Tujuan
CP |
: : : : : : :
: |
Oke Pajarli, S.Kom Bahasa Lampung 5B Rabu, 07 Januari 2026 SD AL-AZHAR 1 BANDAR LAMPUNG Upacagha Ghani Pahlawan Peserta didik mampu menyebutkan cara-cara peduli dan bangga menjadi bangsa indonesia. Peserta didik mampu mengenal identitas diri dan bangsanya, memahami pentingnya hidup rukun, peduli terhadap sesama, serta menunjukkan sikap bangga sebagai bagian dari bangsa Indonesia sesuai dengan nilai-nilai Pancasila. |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 1 tentang Ngejaga Ughik Beghsih Ghik Sehat, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Upacagha Ghani Pahlawan
Unggal tanggal 10 November gham seunyinni bangsa Indonesia ngingok jama Ghani Pahlawan. Sanak-sanak mughib sekula dasar, jak kelas sai sappai kelas enom ghik gughu bebai jama gughu bakas bubaghis uyun nutuk upacagha bendegha di lapangan. Sanak-sanak wat sai butugas mippin upacagha, wat sanak sai jadi pengibagh bendegha. Wat sai butugas ngemaduko suagha lagu Nasional. Wat munih sai butugas ngebaca du'a. Unggal kelas dipippin ketua kelasni diwik-diwik. Sai jadi Pembina Upacara yakdo Bapak Kepala Sekula.
Di lom upacara kebiyan sinji, Rahman dipileh butugas jadi komandan Upacara. Ya ngatogh baghisan, selanjutni ya mippin nabik haguk Pembina Upacara. Rahman ngehad op Pembina Upacara: "Lapur! Upacara pengingokan ghani Pahlawan, ghadu kaghi!". "Keghjako!", timbal Pembina Upacara. Acaro selanjutni yakdo pengibaran bendigha Merah Putih sai dikibarko ulih petugasni yakdo Rustam, Husin ghik Maryamah. Peserta upacagha seunyinni ngehormat bendegha Merah Putih, diighingi lagu Kebangsaan Indonesia Raya, sai dinyanyiko ulih Kelompok Penyanyi Lagu.
Selanjutni acagha ngehiyonko cipta dipippin Pembina Upacara. Pembina Upacara nyawako:"Guwai ngehughmati ghik ngingok jasa seunyin Pahlawan Bangsa, payu gham jama-jama budu'a kekalau arwah tiyan ghupok di teghima Allah Ta'ala jadi syuhada. Ghik gham seunyinni dikeni kekuatan guwai neghusko peghjuanganni. Ngehiyonko Cipta, keghjako!". Ngehiyonko cipta ghik budu'a, diighingi lagu sai bejudul 'Mengheningkan Cipta'.
Pembina Upacagha beluhot, "Pah gham selalu ingok jama jasa tiyan ghumpok pahlawan sai bukan main bujasa. Tiyan ghumpok bujuang ngebibasko negeghi gham, Indonesia anjak penjajahan Kolonial Belanda sai ghadu ngughbanko heghta, jiwa ghik nyawa. Lamon tiyan ghumpok bejuang laju tiwas ghik gogogh jadi kesuma bangsa dilom pepeghangan ngepeghtahanko kemeghdekaan ghik negakko Negara Kesatuan Republik Indonesia. Ulih sebab hina gham musti ngelajuko peghjuangan tiyan-ghumpok seunyinni pahlawan. Pah gham seunyinni ngejaga ghasa persatuan, dilom pepuaghian bangsa Indonesia. Gham musti belajagh ghik bekeghja tukun kenyin beguna bagi Nusa dan
Bangsa".
===================================================
Tugas
Komentar
Posting Komentar