|
Nama Mapel Kelas Waktu Unit Materi Tujuan
CP |
: : : : : : :
: |
Oke Pajarli, S.Kom Bahasa Lampung 2A Senin, 02 Maret 2026 SD AL-AZHAR 1 BANDAR LAMPUNG Melihagha Tumbuhan Ghik Hiwan Isi'an Mampu menjelaskan menyebutkan kosa kata baru dalam bahasa lampung mengenai melihagha tumbuhan ghik hiwan Peserta didik mampu mengenali |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 4 tentang Melihagha Tumbuhan Ghik Hiwan Isikan, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Melihagha Tumbuhan Ghik Hiwan Isikan
Pak Haji Yusuf ghik beini Hajah Maimunah tepik di pekon Teratas Kota Agung. Tiyan ngedok sabah ghik tanoh daghak sai beghak. Di daghakni wat tanoman kelapa, deghian, jambu, limau, rambutan ghik sai ditanomi kupi ghik mangga. Tiyan wat munih tanoh daghak cakelat. Di sabahni sai beghak ditanomi paghi. Tiyan wat munih kulem iwa 6 (enom) petak, sai di isik iwa gurame, emas ghik nila. Tiyan ngisik hiwan isikan gegohni sapi, kambing, manuk ghik kitik. Tiyan ngeguwai kandang hiwan-hiwan jeno di juyu lambanni sai beghak.
Guwai ngurus kebun, sabah, kulem iwa jama hiwan isikan, pak Haji Yusuf ngegaji 7 (pitu) jelema pembantu sai rajin ghik tukun bukeghja. Ghuwa jelema guwai ngurus hiwan isikan. Tiyan butugas ngejaga ghik ngeni pakan nginum jama mandiko sapi, nyepok jukuk hujau guwai kanan sapi ghik kambing. Sai ghuwa jelema lagi butugas ngurus kulem iwa, ngeni pakan iwa makai pakan iwa, ngejaga wai ghik kincir wai. Sai telu jelema lagi ngurusko kebun kupi, cakelat ghik buah-buahan. Tiyan ghuwa butugas makkas tunas-tunas kayu kupi sai tuwoh di batang, ngebuang jukuk sai ngeganggu tanoman kupi. Kidang wattu musim panen kupi, tiyan pitu kumpak jama-jama mutil kupi sai ghadu tuha.
Pak Haji Yusuf ghik beini ngemik anak 3 (telu) jelma. Anak-anak pak Haji Yusuf mak ngedok sai taghu di pekon. Tiyan ghadu jadi pengusaha sai buhasil di Jakarta. Tiyan ghalang mulang pekon. Biasani mulang setahun sekali waktu hari ghaya lebaghan Idul
Piteghi.
Pak Haji Yusuf ghik beini Hajah Maimunah sangun ulun sai paling kaya di pekon hinji. Kipak gheno tiyan ghuwa mak pungah. Tiyan
ghajin bekeghja ghik mak lupa bedu'a jama Tuhan Sai Kuasa.
|
No |
Dialek A |
Dialek O |
Artinya |
|
1 |
Pekon |
Tiyuh |
Desa/Kampung |
|
2 |
Sabah |
Sabah |
Sawah |
|
3 |
Kebun |
Kebun |
Kebun |
|
4 |
Telu |
Tegou |
Tiga |
|
5 |
Enom |
Enem |
Enam |
|
6 |
Pitu |
Piteu |
Tujuh |
|
7. |
Tiyan |
Tiyan |
Mereka |
|
8 |
Pigha |
Peghou |
Berapa |
|
9. |
Jelema |
Jemo |
Orang |
|
10. |
Pungah |
Pungah |
Sombong |
|
11. |
Budu’a |
Budu’a |
Berdo’a |
Komentar
Posting Komentar