|
Nama |
: |
Oke Pajarli, S.Kom |
|
Mapel |
: |
Bahasa Lampung |
|
Kelas |
: |
5A |
|
Waktu |
: |
Selasa, 31 Maret 2026 |
|
Unit |
: |
SD AL-AZHAR 3 BANDAR LAMPUNG |
|
Materi |
: |
Pah Gham Bubalah Sai Helau |
|
Tujuan |
: |
Murid mampu menggunakan ungkapan-ungkapan dalam bahasa lampung |
|
CP |
: |
Peserta didik mampu berkomunikasi secara lisan dengan santun, jelas, dan percaya diri dalam berbagai konteks sederhana di lingkungan sekolah dan rumah. |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 4 tentang Pah Gham Bubalah Sai Helau, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
***********************************************************
Pah Gham Bubalah Sai Helau
Pah gham pelajaghi pemakaian Bahasa Lampung betik-betik, sehingga ki gham bubalah jama ulun baghih mak nimbulko salah paham. Sebab ki gham salah ngegunako cawa atau ungkapan, maka dapok nimbulko lawan cawa gham nganggop lamun gham kughang supan atau mak ngeghegaini.
Dilom pemakaian bahasa Lampung atau penutughan bahasa Lampung diliyak jak tikkat tutugh bahasa, Bahasa Lampung ngegunako tikkat tutugh bahasa gegoh hinji:
Peghtama, cawa ghumaka (kicik sanak)
Keghuwa, cawa pughanti
Ketelu, cawa betik (cawa helau)
Kepak, cawa banggan,
Kelima, cawa Bahasa (Meghwatin)
Peghtama, Cawa Ghumaka / kicik sanak, tikkat bahasa atau tutugh sai paling ghebah atau sai tipakai jelema sai sedong maghah ulah emosi ghik saibaghihni.
Cuttu: delom saat maghah
Tandak niku anjak dija, kughang ajagh!
Ghetini: Enyah kamu dari sini, tidak beradab!
Keghuwa, Cawa pughanti, cawa bahasa atau tutugh cawa seghani- ghani sai dipakai dilom pebalahan antagha jejama ghek-ghek sai seumogh di pasagh, di pok bumain atau jejama sanak-sanak ghik sebaghihni.
Cuttu: Faisal, niku haga lapah mit dipa?
Ghetini: Faisal, kamu akan pergi ke mana?
Ke telu, cawa betik/cawa helau tikkat bahasa atau tutugh bahasa menengah sai tipakai dilom ngelajagh (ngedidik), anak teadep ulun tuha, sai ghuha teadep ulun sai lebih tuha.
Cuttu: Tabik, pak Gughu, sekinduwa haga ngelulih jama Puskam.
Ghetini: Maap pak Guru, Saya ingin bertanya kepada Tuan.
Ke pak, Cawa banggan, tikkat bahasa atau tutugh sai halus ghik dipakai dilom majelis sai ghesmi, dilom ghapat adat, peghtemuan jama jelema sai dihughmati atau dilom sughat peghmohonan ghik
sebaghihni.
Cuttu: Dalom Sangun Ratu ghik Kuti Ghumpok sai wat dija, kilu mahap Pun, Sekenduwa haga ngulahko cawa bukenaan jama tugas sikam di lom ngekicik sinji.
Ghetini: Dalom Sangun Ratu dan hadirin sekalian, mohon maaf, saya akan melaporkan tugas kami dalam musyawarah ini.
Kelima, Cawa bahasa/Meghwatin; tikkat bahasa atau tutugh bahasa tetinggi sai besifat luhugh ghik saling memuliako antagha si pebalah, intonasi lebih ghebah ghik lebih jelas. Biasani Bubahasa / Cawa bahasa/ Meghwatin hinji diuncuki jama cawa-cawa "yu" atau yew" te-utama dilom acagha ghapat kepala adat (himpun penyimbang).
Cuttu: Tabik pai, Pun. Ngalimpugha.
Sekindua ji kena kayun, Tiyan Ghumpok Tuha Ghaja
Ki cawa sekindua salah susun, maklum kughang biasa, Pun (ya)..
Sekindua haga nuppang ngulih-ulih jama Kuti
Ghumpok sangairingan, Pun
Kuti anjak ipa? Wat kodo maksud ghik tujuan tigoh dija? Mahap di Kuti Ghumpok mak dapok laju di ja, Pun (ya) ki mak jelas lapahan Kuti Ghumpok sangairingan.
Ghetini delom Bahasa Indonesia:
Salam hormat terlebih dahulu Tuan. Dengan hormat mohon maaf, saya ini mendapat perintah, dari Majelis Pertimbangan Adat. Jika ucapan saya salah susun, maklumlah kurang biasa Tuan. Saya menumpang bertanya kepada Tuan serombongan. Bila tidak tersinggung, Tuan sekalian ini dari mana? Adakah maksud dan tujuan Tuan kemari?
Saya mohon maaf memberi tahu, bahwa Tuan Sekalian tidak dapat melanjukan di sini, jika tidak jelas maksud dan tujuan Tuan sekalian kemari.
Peghlu dipeghatiko ocapan, "ya" atau "yeu" di unggak, dilom tanda penyampaianni. Hal hina tegattung jama si penutugh guwai ngemuliako peghatong dilom acagha ngekicik/behimpun adat sina. Pelajaghi luwot penggunaan tutugh bahasa Lampung di unggak benogh-benogh! Pakailah dilom pebalahan peghgaulan seghani-ghani
***********************************************************
Kesimpulan :
***********************************************************
Tugas
1. Ulah api gham peghlu benogh-benogh belaja bahasa lamupng?
2. Cacakko api gawoh tikkatan bahasa atau tutugh ngekicik/cawa di;om bahasa lampung?
3. Keni cuttu cawa tikkatan bahasa atau tutugh bahasa sai paling ghebah?
4. Dilom acagha api gawoh tikkatan cawa banggaan dipakai?
5. Api tanda-tanda cacakan cawa bahasa atau meghwatin?
Komentar
Posting Komentar