|
Nama |
: |
Oke Pajarli, S.Kom |
|
Mapel |
: |
Bahasa Lampung |
|
Kelas |
: |
3A |
|
Waktu |
: |
Rabu, 01 April 2026 |
|
Unit |
: |
SD AL-AZHAR 3 BANDAR LAMPUNG |
|
Materi |
: |
Pah Gham Lestaghiko Lingkungan Ughik |
|
Tujuan |
: |
Mampu menyebutkan contoh-contoh sikap hidup cinta lingkungan |
|
CP |
: |
Kemampuan memahami, menggunakan dan merefleksi berbagai jenis teks, sesuai tujuan/fungsi sosialnya sehingga peserta didik dapat berpartisipasi dalam masyarakat melalui pengetahuan dan kemampuan membaca/memirsanya. |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 4 tentang Pah Gham Lestaghiko Lingkungan Ughik, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Pah Gham Lestaghiko Lingkungan Ughik
Lingkungan ughik ngedok peran petting dilom ughikni manusia, yakdo:
1. Guwai pok ughik bagi manusia ghik makhluk ughik sai baghihni;
2. Guwai pok bagi manusia ghik makhluk ughik sai baghihni bekegiatan ghik saling behubungan (interaksi).
Lingkungan ughik bupengaruh jama keughikan manusia, hewan,ghik tumbuhan. Dilom lingkungan ughik sai betik, haga terjalin hubungan timbal balik (interaksi) sai ghukun damai (harmonis) ghik seimbang antagha seunyinni makhluk ughik sai wat di lingkungan hidup hina.
Ngejaga kelestaghian lingkungan ughik wajib dilakuko, guwai:
1. Ngejaga kesihatan,
2. Ngelindungi makhluk ughik ghik lingkunganni,
3. Ngelindungi sumber daya alam (biotik ghik abiotik),
4. Nyegah ghik ngelindungi alam jak kecadangan ghik kehancoghan), ghik
5. Ngeguwaiko lingkungan sai beghsih jak polusi hawa, segegh ghik sihat.
Najin ghena, lagi lamon jelema penjahat sai mak ngedok kesadaghan guwai ngejaga lingkungan hina. Cadangni lingkungan ughik disebabko ulih tikkah laku jelema sai kughang tanggung jawab. Tiyan mak sadagh jama pettingni kelestaghian lingkungan ughik hina. Wat lamon cuntuh cadangni lingkungan ulih manusia jahat, yakdo:
1. Penuwaghan pulan secagha liyagh atau pembalakan liyagh,
2. Penggalian tambang batu bagha secagha teghus-meneghus,
3. Pemakaian bom iwa di lawet, nyadangko teghumbu karang,
4. Pemakaian kendaraan bermotogh (polusi hawa)
5. Pendirian industri sai mak ghamah lingkungan,
6. Ngebuang ghuttah sebasingni (sippaya).
Lingkungan ughik ngemik bepadah tehadop kelanjutan ughikni manusia ghik makhluk ughik sai baghihni sai wat di bumi hinji. Guwai makhluk ughik sai beakal, gham jelema ughik peghlu ngedok kesadaghan guwai ngelestaghiko lingkungan ughik hina. Nyin gham tetep dapok ughik nyaman ghik tenteram, gham wajib ngejaga kelestaghian lingkungan ughik hina. Ngejaga lingkungan nyin tetep asri ghik teughus peghlu dilakuko ulih saban jelema.
Ulah sebab ghena mulai ganta saban jelema wajib ngejaga lingkungan nyin tetep asri. Tanomko ghasa geghing jama lingkungan mulai jak lamban, keluaghga ghik lingkungan masyaghakat sekitagh. Pah gham ngejaga lingkungan jama ngelakuko:
1. STOP ngebuang ghuttah sebasingni
2. STOP ngebum iwa di lawet
3. STOP penuwaghan (penebangan) pulan
4. STOP ngeguwai pabeghik industri sai nyadangko lingkungan
5. STOP ngegali tambang batu bara
|
No |
Kata |
Aksara Lampung |
Artinya |
|
1 |
Ughik |
|
Hidup |
|
2 |
Sadagh |
sdH/ |
|
|
3 |
Betik |
|
Baik |
|
4 |
Cadang |
cdX |
|
|
5 |
Najin |
|
|
|
6 |
Tuwagh |
|
Tebang |
|
7 |
Pok |
Pok/ |
|
|
8 |
Umban |
|
Buang |
|
9 |
Pullan |
Pul/lA |
|
|
10 |
Bepadah |
|
Pengaruh |
***********************************************************
Kesimpulan :
***********************************************************
Tugas
Kerjakan soal di bawah ini dengan menuliskan kata dasarnya
|
No |
Kata Berimbuhan |
Kata Dasar |
|
1 |
Ngumbanko |
|
|
2 |
Nyadangko |
|
|
3 |
Nuwagh |
|
|
4 |
Ngelestaghiko |
|
|
5 |
Ngegali |
|
|
6 |
Nanomko |
|
|
7 |
Nyegah |
|
|
8 |
Ngejaga |
|
|
9 |
Ngebum |
|
|
10 |
Ngeguwai |
|
Komentar
Posting Komentar