|
Nama |
: |
Oke Pajarli, S.Kom |
|
Mapel |
: |
Bahasa Lampung |
|
Kelas |
: |
2C |
|
Waktu |
: |
Selasa, 06 April 2026 |
|
Unit |
: |
SD AL-AZHAR 1 BANDAR LAMPUNG |
|
Materi |
: |
Keselamatan dilamban dan Lapahan |
|
Tujuan |
: |
Peserta didik mampu memahami arti dari kata/kalimat larangan dalam bahasa lampung guna menjaga keselamatan dilingkungan. |
|
CP |
: |
Peserta didik mampu mengenali situasi berbahaya di rumah dan dalam perjalanan serta menunjukkan perilaku aman dan bertanggung jawab dalam kehidupan sehari-hari. |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 5 tentang Keselamatan dilamban dan Lapahan, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Keselamatan Di Lamban Dan Lapahan
Tata tertib di lamban yakdo atughan sai petting dilakuko ulih seunyinni anggota keluaghga, tekughuk anak-anak. Dilom Tata Tertib dapok ngebantu anak-anak guwai ughik teatogh ghik disiplin, seghta ngajaghko keteghampilan sosial. Tata tertib atau atughan di lamban beguna guwai Masa depan Anak. Gham anak-anak meghluko tata tertib atau atughan di lamban sai dapek ngebattu nyiapko gham jadi jelema dewasa sai butanggungjawab.
Tata tertib atau atughan di lamban haghus dipatuhi ulih seunyinni anggota keluarga. Gham lagi lunik meghlukan tata tertib atau atughan sai ngajaghko keteghampilan (ughik jajama). Atughan-atughan hina diguwai betujuan guwai ngejaga keselamatan gham di lamban ghik di luwah lamban gegohni dilom lapahan.
Keselamatan Dilom Lamban
1. Gham mesti buhati-ati ngegunako alat-alat listrik ghik kompor gas.
2. Ngejawoh jak benda-benda bebahaya, gegoh pisau, ghik alat-alat sai tajom sai baghihni.
3. Dang bumain apui dilom lamban gegohni meppul keghtas, kumbang apui atau peghaccun.
4. Dang nyalako apui ghedik benda-benda sai modah tepepul, gegohni minyak bensin.
5. Waspada ghik buhati-hati cakak ijan, kughuk kamagh mandi pastiko dilom aman, mak basoh ghik licin.
6. Buhati-hati jama hiwan pelihaghaan dang sappai digigik ghik dicakagh
7. Pahami cagha ngegunako sistem keamanan lamban, gegoh alarm kik sewaktu-waktu ngedok bahaya.
Keselamatan Dilom lapahan
Gham ghesok mit luwah lamban, guwai kepeghluan petting, gegohni luwah mit sekolah. Guwai ngejaga keselamatan gham di lapahan, semakkungni luwah jak lamban gham haghus budua pai Bimillahi tawakaltu alalloh. Gham lapah selalu buhati-hati ghik waspada. Jama patuhi atughan-atughan sai dibah hinji:
1. Ki gham lapah kukut, lapah di kebelah kighi atau ki wat trotoar lapah di trotoar hina.
2. Ki gham haga nyebeghang ghanglaya: pehatiko tata cagha ghik etika nyebeghang ghanglaya,
1) sepok pai Zebra Cross atau tunggu pok sai aman
2) waspada liyak kighi-kanan, kik aman ampai gham nyebeghang.
3) Waktu nyebeghang di zebra cross gham di larang becekellang (lijung-lijung), olang oloh ghik lelagakan di zebra cross.
3. Gham mesti paham ghik patuh jama rambu lau lintasgegoh ni lampu suluh, hijau, ghik kuning.
4. Ki cakak mubil, mejong sai benogh, gham amakai sabuk pengaman, dang ngeluwahko hulu, badan ghik culuk jak kaca jendila mubil.
5. Ki gham cakak atau di buccing motogh gunako alat pengaman sai sesuai gegohni helm ghik jaket saat berkendara motogh.
Tugas
Buatlah kosa kata bahasa lampung di bawah ini kedalam aksara lampung
|
No |
Kata |
Artinya |
Aksara |
|
1 |
Tepepul |
Terbakar |
………………… |
|
2 |
Hiwan |
Hewan |
………………… |
|
3 |
Gham |
Kita |
………………… |
|
4 |
Lamban |
Rumah |
………………… |
|
5 |
Luwah |
Keluar |
………………… |
Komentar
Posting Komentar