|
Nama |
: |
Oke Pajarli, S.Kom |
|
Mapel |
: |
Bahasa Lampung |
|
Kelas |
: |
6A |
|
Waktu |
: |
Rabu, 08 April 2026 |
|
Unit |
: |
SD AL-AZHAR 3 BANDAR LAMPUNG |
|
Materi |
: |
Teks Pidato |
|
Tujuan |
: |
Murid mampu membaca pidato dalam bahasa lampung |
|
CP |
: |
Peserta didik mampu berkomunikasi secara lisan dengan santun, jelas, dan percaya diri dalam berbagai konteks sederhana di lingkungan sekolah dan rumah. |
Assalamualaikum warahmatullahi wabarakatuh,
Tabik pun........Selamat pagi anak-anak........
Api kabagh sanak-sanak sai sholeh ghik sholehah...
sihat seunyinni yu nak....
Alhamdulilah khani hinji, kham dapok betungga luwot dilom pelajaghan Bahasa Lampung. Semakung kham ngemulai pelajakhan di pagi hinji dang lupa bedu’a usahako sholat dhuha khik muroja’ah pai yu nak, nyin ilmu sai dikeni ulih gughu dapok kuti teghima sai helau.
Anak-anakku, pada peghtemuan ghani hinji gham haga pelajaghi tema 4 tentang Teks Pidato Layanan Masyarakat Daerah, Semakung ngemulai pelajaghan. Kuti sediako buku ghik alat tulisni yu nak… Hunja pak gughu mapaghko mateghi singkat. Ti baca ghik ti pahami yu anak-anak pak gukhu.
Teks Pidato Layanan MasyarakatDaerah
Dilom ghani Sabtu tanggal 25 Pebeghuaghi 2017, Menteghi Kesehatan Republik Indonesia dijamai Gubernur Provinsi Lampung, ngeghesmiko fasilitas kesehatan di RSUD Dr. H. Abdul Moeloek, Tanjung Karang, Provinsi Lampung. Fasilitas kesehatan sina hantagha baghih gedung administrasi, gedung delima, gedung THT dan Mata, gedung laboratorium, gedung OK (bedah sentral) ghik alat-alat kedoteghan canggih. Selain ghesmiko fasilitas kesehatan sina, beliau munih ghesmiko monumen Dr. H. Abdul Moeloek.
Dibah ji ghingkasan pidato lapoghan anjak Direktur Rumah Sakit, sai nyeghitako ghiwayat sejaghah Rumah Sakit sinji. Seghadu ngeni ucakan salam ghik ucakan teghima kasih jama sai ghatong dilom acagha sina, ya ngelajuko pidatoni:
"Nughut ghiwayatni jennoni ghumah sakik ji gelaghni Rumah Sakit Umum Tanjungkarang didighiko dilom tahun 1914 sebagai ghumah sakik peghkebunan waktu jaman Penjajahan Belanda guwai ngeghawat bughuh peghkebunanni. Kepemilikan ghumah sakik sinji teghus beghubah sesuai jama peghubahan pemeghittahan. Dilom tahun 1942 sampai dengan 1945 masa pendudukan Jepang, ghumah sakik hina dipakai guwai ngeghawat tentagha Jepang. Seghadu Indonesia meghdeka tahun 1945 sappai gatta ghumah sakik hinji dikelola ulih Pemerintah Republik Indonesia, jenani Pemerintah Pusat teghus diseghahko aguk Pemerittah Daighah".
Ya ngelajuko pidatoni:
"Gatta Rumah Sakit sinji jadi Rumah Sakit Umum Daighah Dr. H. Abdul Moeloek Peghopinsi Lappung disikkat RSUDAM wat munih sai nyikkatni RSUD Dr. H.Abdul Moeloek yakdo ghumah sakit tipe A di Lampung, Indonesia. RSUD Dr. H.Abdul Moeloek bualamat di Jalan Dr. Rivai No. 6 Bandar Lampung yakdo rumah sakit sai tebalak di Peghopinsi Lappung. Ya jadi Model Rumah Sakit guwai ngelayani BPJS. Selayin sina Rumah Sakit Umum Daighah Dr. H. Abdul Moeloek munih jadi Rumah Sakit pendidikan ghik ghujukan sai teghanggal jak ghumah sakit - ghumah sakit dilem 15 kabupaten/kota di Peghopinsi Lappung". Seteghusni iya ngejelasko dilom pidato sina:
"RSUD Dr. H. Abdul Moeloek Peghopinsi Lappung ditetepken munih jadei unit swadana daeghah. Selayin sina RSUD Abdul Moeloek ulah pelayananni jama masyarakat sai helau sesuai jama Mottoni ASRI yakdo Aktif, Segera, Ramah dan Inovatif gatta jadi Rumah Sakit
Ramah Anak. Rumah Sakit Umum Daerah Dr.H.Abdul Moeloek Peghopinsei Lappung, tugasni guwai ngelayani seunyinni jelema atau masyarakat sai ngalami sakik atau kena penyakik atau kena celaka. Selain sina Rumah Sakit Umum Daerah Dr.H.Abdul Moeloek Peghopinsi Lappung, munih sebagai ghumah sakik ghujukan teghanggal sai genok lekkap sarana kesehatan/medis ghik dokter ahlini. Jelema sakik sai di Daighah Kabupaten / Kota mak mansa pelayanan sai teghanggal, tiyan dighujuk haguk ghumah sakik hina".
Seteghusni iya neghangko:
"Gelagh Rumah Sakit Umum Daerah Dr.H.Abdul Moeloek Propinsi Lampung. Gelagh sina diakuk anjak gelaghni Dr.H.Abdul Moeloek. Gelagh Rumah Sakit Umum Daerah Dr.H.Abdul Moeloek Propinsi Lampung guwai ngehormatei atas jasa dan pengabdian beliau dilom setejjang ughikni selalu ngabdi jama rakyat Lappung sejak jaman penjajahan Belanda dilanjutko jaman penjajahan atau pendudukan Jepang sappai di jaman Indonesia meghdeka".
Iya ngelanjutko pidatoni:
"Wat sai ngelulih sapa sebenoghni Dr.H.Abdul Moeloek sina? Dr. H. Abdul Moeloek lahigh 10 Maret 1905 di Padang Panjang Sumatera Barat. Abdul Moeloek ngeghantau di Batavia jak umugh 12 tahun. Ya ngakuk kuliah di fakultas kedokteghan hewan Bogor, seghaduni ya pindah mit STOVIA (sekolah kedokteran pada jaman Belanda) di Batavia, ya masa gelagh doktegh jak peghgughuan tinggi sina tahun 1932. Iya nikah jama Poeti Alam Naisjah, muli kelahighan 1914 jak Solok, Sumatera Barat".
Iya ngejelasko dilem pidatoni:
"Wattu masa pendudukan Jepang, iya pindah mit Semarang ulah ngilak jak misi pembunuhan saban intelektual Indonesia sai dilakuko pemeghentah Jepang, iya bekeghja jadi tenaga medis di Rumah sakit Dr. Kariadi. Ghadu pepigha tahun di Semarang iya ngasingko badan di desa Winong, kota Liwa, Lappung Barat. Dipokni bejamuk ulah Abdul Moeloek ngabdi di bidang kesehatan di masaghakat lunik. Sedongko inggomanni ngabdi di bidang pendidikan, ya jadi gughu di masaghakat sekitagh. Tian wou lamon anak akkat, pengabdian tiyan ghuwa sinalah ngeguai tiyan disegani jama di hughmati masarakat Liwa ghik sekitaghni".
Iya ngelanjutko pidatoni:
"Seghadu Indonesia meghdeka keluaghga Abdul Moeloek pindah anjak Liwa mit Tanjungkarang. Abdul Moeloek ngelola ghumah sakit Tanjungkarang neghima penyeghahan Rumah Sakit sina jak tentagha Jepang. Beliau dijadiko kepala Rumah Sakit sina sejak tahun 1942 sappai tahun 1957. Beliau ninggal di Bandar Lampung, tanggal 15 Oktobegh 1973 (umugh 68 tahun). Beliau tikenal sebagai ahli kesehatan Indonesia, beliau jadi tokoh kesihatan masaghakat Lappung, ulah beliau lamon ngebelako wattuni nulung ngejaga kesihatan masaghakat Lappung, gelaghni dipakai jadi gelagh Rumah Sakit Umum Peghopinsi Lappung, yakdo Rumah Sakit Umum Daerah Dr.H. Abdul Moeloek Propinsi Lampung. Ghik guwai pengingok suako beliau, disanikko monumen ghik patung beliau".
Gegoh hina pidatoni direktur Rumah Sakit sina, iya nutup pidatoni jama ngucakko salam.
Kesimpulan :
Alhamdulillah pembelajaran hari ini tentang Teks Pidato berjalan dengan baik, aktif dan lancar. Tidak ada kendala apa pun saat mengajar dan anak-anak bisa memahami materi yang disampaikan.
*********************************************
Tugas
1. Buatlah pidato singkat dalam bahasa lampung dengan komponen utama terdiri dari
- Salam
- Pembukaan
- Isi
- Penutup
- Salam penutup
2. Kemudian bacakan pidato tersebut di depan kelas.
Komentar
Posting Komentar